Xwedawenda evîna hestan
Laleş Êzidî
Pelzerîna gul û xunava min
Hêviyên hestên delal
Tu yî navdar û rûgeşiya stargeha min
Rengîn û pelîzerê
Dergûşa xewnên min ên veşartî
Xweziya min bi te ye
Tu rojekê bibî mêvanê siroşgeha min
Nana nepirse û nebêje
Ka kî ye dildar û beybûna min
Pelîzera gulan
Kaniya çemên nazdar
Xwedawenda evîna hestan
Kanî ew wijdanê xwe li ber xweşikbûna te
Dilxweş nake û nebêje çendî evîndar bûn
Malovana ferîştok û sazmana stargeha min
Pelzerî û gulfiroşa zerîn
Ka tu bêje vaye gurzê evîndarên nazdar
Deryaya ji nava hestan
Ax û gerdûna dilê birîndar
Şêrînok û gulbihara hestên delal
Vebijêrk û bihara ava deryayan
Ez îro bûme esîrê hêvî û beybûna te ya delal
Pelzerîna gul û xunava nazdar
