Şîlan Perıya Min a Por Zêrîn
Tu dizanî buhar hatiye çiyayên welatê min
Her der bi keskahiyan ve xemilî ye
Her devera welatê min bûye bihuşt û periya por zêrîn tê de dilîze
Periya min xweşika tevahî Kurdistanê ye
Periya min por zêrîn û çav reşe
Periya min bedewa hemû jinên Kurd e
Nazdara tevahî hevalên xwe ye
Periya min hîna keçek 15 salî ye
Çi bedewî û keskahî hebin di nav de dibeze
Ez dibêjim: periya hevala xwe, ka were piçek li cem min rûne!
Lê nayê
Periya min yan topê dilîze
Yan ji xwe re li zarokatiya ku dijmin jê standiye digere
Yan jî şoreşger e û
Di wê emrê xwe yê biçûk de ji bo azadiya welatê xwe şer dike.
Erê periya min por zer û dil zêrîn e.
Periya min delala hemû hevalên xwe ye.
Periya min şoreşgerek ciwane û
Li benda zarokatiya xwe ye.
Periya min gula herî xweşik yê çiyayê Qereçoxê ye.
Periya min keça herî bedew ya Rojava û
Şîlana Kurdistanê ye.
Bindeste welatê periya min
Her kes li benda dagîrkirina welatê periya min e
Her kes ji şewqa periya min hesûd dibe
Û di şevek reştarî de
Dijminê hov bi ser wargehê periya min de digre
Periya min direve
Lê mixabin dijminê me Kurdan xedare
Zalime
Bê ruhme
Xwînxware
Wê şevê periya min dibeze lê
Dijmin bi xayînî bi ser de tên
Periya min teslîm nabe
Difire ezmanan
Û periya min wê şevê
Dibe stêrka herî bi şewq
Dibe hevala tavaheyvê
Dibe rêhevala rojê
Periya min dibe gula sor a Çiyayê Qereçox
Periya min wê şevê dibe şehîda Kurdistanê
Zîlan AGIR
