BIRÛSKA HÛRÎ Û MEDAN
Ridwan Nesrî Silêman
BIRÛSKA HÛRÎ Û MEDAN
(HEVALÊ YUSUF-BIRÛSK)
Her roj li eznamê welatê min dibe reqe reqa ewran
Û ji wan ewran birûsk davêjin li ser erda pîroz û warê Egîdan
Gelek ji wan birûskan bi destê rojê hatibûn neçirandin
Yek ji wan jî hevalê Yusuf bû ku
Bi hişmendiya rojê hatibû xemilandin
Daxwaza wî jî ew bû ku bi vê
Hişmendiya nûjen ji nû ve dîroka bav û kalên xwe binivisîne
Lewra xwe davêje ser hespê Derwêşê Evdî lehengê Kurdan
Bi bayê bezê xwe li welatê rojê
Paytexta bapîrê xwe Hûriyan re digihîne
Li wê wargeha pîroz daweta
Keç û xortên şoreşger digerîne
Amadehiya cengê diqedîne
Ji wir jî xwe davêje ser pişta hespê Rustemê Zal
Rexşê belek û pişta Hedbanê Derwêşan ên bihêztirîn hespan
Rexşê belek, mîna Biruskekê
Nûra Yezdanan wî- li ser çiya û newalên asê yên
Zagros û Serhedan re wî dibe warê cengê û wî li warê
Lehengê dîrokê Babekê Xuremî digerîne
Li wî warê lehengan dixwaze şerê gelan yê dem-dirêj bimeşîne
Û bivê rêbaza şerê partîzanan dixwaze şev û rojê li neyaran bigerîne
Qeda û bela Xwedê bikeve mala xayîn û neyaran
Û mala wan bi ser wan de hilweşe
Ku neviyekî Enkîdo, bi leşgerên Roma Reş re bi ser wan de girt
Li gundê Elo melo ku girêdayî navçeya Beyazîda Agirîyê
Û heval û fermandarê giranbiha Yusuf jî ji bo vê çembera xayîn û dagirkeran
Bişkîne dikeve cenga giran de û li wir warê lehengan û welatê pîroz
Stêrka heval û qehreman Birûsk dirije ser xaka welatê zêrîn
Û bi vê berxwedana xwe cihê xwe di rûpelên dîrokê û dilê gel de
Bi tîpên zêrîn dinivisîne
Û li esmanên Kurdistanê dibe Venusa Kurdan
Û dibe biruska welatê Hurî û Medan
Dibe pêşeng, serkêş û hêviya gelê xwe
Banga wî bû fermana meşa azadiyê
Hisreta wî bû didilê me de jan dida û hîna jî jan dide û wê jan bide
