Vegera li welatê dayikê hesteke pir bedew e
Ji pênûsa dilşewatên Efrînê
Vaye xelkên Efrînê ref bi ref vedigerin ser warê xwe
Vedigerin ser mal û zeviyên xwe yên wêrankirî
Vaye xelkên Efrînê mirovên xwe yên ji qehran re
behecîn tînin bîra xwe û digivêşin kulmên xwe
Anê negrî û nelorîne wê raweste dilê nazdar û tijî êş û şewat
Anê bilîlîne ji kezeba xwînrij û bîne bîra xwe
Bav û bira û xwişka delal ji dilê bi şewat biqîre û bike hewar
Anê kanî ew dara di hewşa me de, kanî cîran û xelkên me?
Anê bêje bi hestên şewat ji bo ez jî rondikên ji xwînê bigirîm
Anê de rabe û gundî û cîranan li me vehewîne ji bo ku em
bigirin guvend û sema ku me 9 sal li şûn xwe hiştibû
Ji bo ku em rûpeleke nû vekin û Efrîna xwe ji nû ve geş bikin
Anê rabe îro ji bo me cejne û emê li ser warê xwe yê kevnar bikin
Dîlan û seman ji bo ku hemû xerîb û mihacir jî bi me re
dilşad bibin û bikin tilîlî û qîr û hewara kêfxweşiyê
