EVÎNA RO

Felek ji bo çi ev zor giranî

Min temen da ro tev bi ciwanî

Sed ba bagêr min xwe neda alî ma qey ev çûna tev bi nezanî

Ji bo royê bi van çola ketim

Tev deşt û gelî bi çiya ketim

Bê cil sir û seqem nexweş ketim ev rê dirêj carina tî car birçî

Qey me pişta xwe daye ne pişta

Loma em bêpar in ji nav gişka

Ma em bûn hevalê ne tişta

Loma me xwe bê dost û heval dî

Ez jî bûme Ferhad li ser Şêrîn

Hişk e singa kevir tev kir birîn

Lat û zinar qul kir tev bûm bi xwîn

Çima kesî ev şer lêdan nedî

Eşqa ro dil birîn kirim û kuştim

Bê dergûş hêlan tenê hiştim

Ji xet û rêya zeman derxistim

Di rê de sed êş û keder min dî

Bes felek bes li ser min giranî

Min temen da royê bi ciwanî

Ji bo çi dixuyê wer erzanî

Jîn qelen e ev bîst û yek salî

Ev kom û bendê bela pîs rezîl

Bi şikandin xwestin min bikin dîl

Mam neçar xwîn û xwedan da bertîl zulm du dest be pir xurt û girsî

Li dû roya narîn şêrîn delal

Dibezim bê rez im ev gelek sal

Tim li dû eşqa nazik şepal

Rê dûr dayik û bav li ser min girî

Rê dûr û zor tim divê lez û bez

Xurtî divê tije bêbext û diz

Van çavan dî êrîş kirin bigez

Min ro divê nagihêm qîr gazî

Çava gelek rondik bin bar rijand

Ev dil tî şev û roj bi hev gihand

Bê his û bi tirs ax ji dil barand ax zarî dibarî ji vî halî

Felek ji bo çi ev qas giranî

Min temen da ro bi ciwanî

Ev dil bi dil e deng ji xwe anî Ji dest nezan cahil perîşanî

Nezana aqil da koma zana

Zana guh nadin tirê nezana

Ji dest nezana ketim zindana

Cahil in hemû rengê sofîtî

Ax bexto ev dil gelek nazike

Lê tê zor şerê li dor xwe dike

Li dil nabe ev zor û koteke

Ev kevirê li bin berfê min dî

Ev zemanê danê ro dide me

Av û ax çima her tişt ne ji me

Tev qirêj êş û nexweşî li me ev jîna wilo bela her nebî

Rizgar bibin ji dest dijmin derkevin

Azad bin ji bin desta derkevin

Divê her kes du car li berkevin bi gelek renga evîn jîn bijî