“Dijmin bi çeken herî pêşketîn şer dike û em jî bi vînê şer dikin”

Meclisa Malbatên Şehîdan a Helebê ji bo şervanê Hêzên Sûriya Demokratîk (QSD) Mihemed Mistefa Şêx û ji bo bîranan fermandar Sorxwîn Rojhilat û Azadî Dêrik merasîmek li dar xist.

Gelek şênî, endamên saziyên sivîl, partî, meclis, komîn û Federasyona Gaziyên Şer a Helebê tevlî merasîmê bûn ku li pêşiya mala şehîd Mihemed Mistefa Şêx a li taxa Şêxmeqsûdê li dar ketiye.

Li ser navê Federasyona Gaziyên Şer a Helebê Zagros Heleb axiviya û got: “Ev êrişa ku li dijî hevalên me yên gazî pêk hat, bêçaretiya dewleta Tirk nîşan dide ku nikare fikrên ku Rêber Apo di bîrên me de çandiye tune bike.”