Rojbûna Rêber Apo û avabûna YPJ’ê pîroz be
Ji raya giştî û çapemeniyê
Em weke gaziyên jin rojbûna Rêberê Gelê Kurd, mamoste û pêşengê mirovahiyê Rêber Apo pîroz dikin û dibêjin, Rêber Apo ji bo me bû ronahiya heqîqeta neteweyî û ji tevahî mirovahiyê re jî bûye cihê bîr û baweriyê.
Rêber Apo bi fikir û ramanên xwe bû çiraya ku rêya pêşveçûna demokratîk a gelê Kurdistanê rohnî dike. Weke tê dîtin jinên Kurd tevî dost û hevalên xwe yên enternasyonal rojane ji bo azadiya fizîkî ya Rêber Apo di nav berxwedan û têkoşînê de ne. Bi taybet jî jinên çalakvan û azadîxwaz azadiya fizîkî ya Rêber Apo ji bo xwe kirine hedefa herî esasî. Em vê berxwedana jinan bi rêzdarî silav dikin.
Rêber Abdullah Ocalan ji hêviya gelê Kurd û gelên azadîxwaz re serdemeke pêşveçûna ronakbîriyê ava kir. Em jî weke gaziyên jin diyar dikin, em ê tevahî têkoşîna xwe bikin xizmeta azadiya fizîkî ya Rêber Apo. Em bi hêvî ne sala were rojbûna Rêberê xwe li ser sûrên Amedê li paytexta Kurdistanê pîroz bikin. Em ji çareseriya demokratîk a ji bo pirsgirêka Kurd bawer dikin û li ser vî esasî têkoşîn dikin. Di aliyê ruhî, fikrî û jiyanî de em bi Rêberê xwe ve girêdayî ne. Em ji têkoşîna gelan jî heya dawiyê bawer dikin.
Her wiha ku di rojeke pîroz a 4’ê Nîsanê ya 2013’an de ji bo parastina jinan, gelan û xaka pîroz Yekîneyên Parastina Jin (YPJ) ava bû, êdî em dikarin bêjin ku stûna misogeriya şoreşa Rojava hat danîn. YPJ hêza xwe ji jinên têkoşer ên ti carî li hember zilm û zextan serî netewandine digire. Em 12. salvegera YPJ’ê pîroz dikin. Vê roja giranbiha li tevahî jinên şerker û têkoşer ên li eniyên şer li ber xwe didin pîroz dikin.
Weke gaziyên jin em bang li tevahî gelên azadîxwaz dikin ku xwedî li fikir û ramanên Rêber Apo derkevin û heya dawiyê ji şervanên YPJ’ê bawer û bi hêvî bin.
Gaziyên Jin ên Federasyona Gaziyên Bakur û Rojhilatê Sûriyeyê
