Şehîd Xalid bi merasîmeke girseyî hat oxirkirin
Cenazeyê şehîd Xalid Weqas (Zagros Serêkaniyê) yê endamê Federasyona Gaziyên Bakur û Rojhilatê Sûriyeyê li gundê Berkevirê yê Dirbêsiyê bi merasîmeke girseyî hat veşartin.
![](https://fgbrs.com/wp-content/uploads/2024/07/image_870x_668d879422b90-780x470.jpg)
Di merasîma oxirkirina endamê Federasyona Gaziyên Bakur û Rojhilatê Sûriyeyê şehîd Xalid Weqas (Zagros Serêkaniyê) de yê 6ˊê Tîrmehê di encama nexweşiyê de şehîd bû, bi dehan endamên sazî û meclîsan beşdar bûn.
Di merasîmê de hevserokê Meclîsa Malbatên Şehîdan a Serêkaniyê Beşar Koş, got: “Vîn û israra gelan ji êrîşên dijmin xurttir in.”
Li aliyekî din jî endamê Federasyona Gaziyan a Bakur û Rojhilatê Sûriyeyê Elî Ehmed behsa têkoşîna şehîd û fedakariyên wî di oxira azadiyê de kir û got: “Em soz didin ku têkoşîna li ser rêya şehîdan dewam bikin û rêya wan heta serketinê bişopînin.”
Her wiha endamê Meclîsa Leşkerî ya Amûdê Îmad Biro axivî û got: “Em ê li hember tevahî êrişên dijmin bisekinin û rêya şehîdan bişopînin.”
Di dawiyê de wesîqeya şehîd hat xwendin û radestî malbatê hat kirin.