Şandeyeke ji aktîvîstên jin serdana gaziyên şer kirin

Şandeyeke enternasyonal a ji aktîvîstên jin pêk tê serdana Federasyona Gaziyên Bakur û Rojhilatê Sûriyeyê kir û bi gaziyên şer re hevdîtinek pêk anî.

Şandeya aktîvîstên jin ên enternasyonal a li Bakur û Rojhilatê Sûriyeyê bi saziyên jinan re hevdîtinên xwe didomîne, Federasyona Gaziyên Bakur û Rojhilatê Sûriyeyê ziyaret kir.

Şande ji aliyê gaziyên şer ên endamên FGBRS’ê ve hatin pêşwazîkirin. Di hevdîtinê de têkildarî şoreşa Bakur û Rojhilatê Sûriyeyê nirxandin hatin kirin û rola gaziyên şer bi taybet jî ya gaziyên jin hate destgirtin. Di nîqaşan de gaziyên jin anîn ziman jinên berê di nav civakê de ti roleke wan a diyar nebû, bi berxwedana li ser esasê fikir û ramanên Rêber Apo îro şoreşekê bi rê ve dibin û di hemû qadên şer û jiyanê de bi rola xwe ya pêşengtiyê radibin. Her wiha hate destnîşan kirin ku gaziyên şer tevî rewşa xwe ya birîndariyê jî xwe ji kar û xebatên şoreşê nadin paş û ji her kesî zêdetir pêşengiya şoreşê dikin.

Di hevdîtinê de girîngiya yekîtî û hevpariya jinan a di asta navneteweyî de jî hate ziman.

Endamên şandeyê jî diyar kirin ku ew ji şoreşa Bakur û Rojhilatê Sûriyeyê ya di roja me de li cîhanê deng vedaye pir bandor bûne. Her wiha diyar kirin ku şoreşa Bakur û Rojhilatê Sûriyeyê ya weke şoreşa jinê jî tê terîfkirin êdî bûye cîhanî.

Piştî hevdîtinê şandeyê û gaziyên şer pêkve wêne girtin.