Konferansa gaziyên Dêrezorê hat lidarxistin
Yekemîn Konferansa Gaziyên Dêrezorê bi şîara, “Em ê şoreşa bi fikir û felsefeya Rêber Apo ava bûye bi hemû hêza xwe biparêzin” hat lidarxistin.
Konferansa Yekemîn a Komeleya Gaziyên Dêrezorê bi beşdariya bi dehan gaziyên şer û mêvanan bi şîara, “Em ê şoreşa bi fikir û felsefeya Rêber Apo ava bûye bi hemû hêza xwe biparêzin” pêk hat.
Cihê konferansê bi wêneyên şehîdên têkoşîna azadiyê û yên Rêber Apo hat xemilandin.
Konferansa bi deqeyek rêzgirtina ji bo şehîdên azadiyê dest pê kir.
Li dû hilbijartina dîwanê nirxandinên Rêber Apo yên têkildarî gaziyan, peyama QSD û Tevgera Jinan a ji bo gaziyên şer hatin xwendin.
Di konferansê de li ser navê rêveberiya herêmê ya eskerî, Desteya Hundirîn, Meclîsa Giştî ya Gel, Saziya Malbatên Şehîdan û Meclîsa Zenûbiya axaftin hatin kirin.
Di axaftinan de rola gaziyan a di nav şoreşa Bakur û Rojhilatê Sûriyeyê ku hat ziman, konferansa komeleya Dêrezorê hat pîrozkirin.
Piştî xwendina rêziknameya komeleyê, guftûgo û nirxandin hatin kirin. Li dû nîqaş û nirxandinan rêziknameya komeleyê hat qebûlkirin.
Di konferansê de der barê şêwazê rêxistinî, perwerde, xebat û rola gaziyan de jî nirxandinên berfireh û girîng çêbûn.
Di konferansê de 17 kes ji bo Meclîsa Komeleya Dêrezorê hatin hilbijartin û navê komeleyê weke Komeleya Şehîd Hisên hat pejirandin.
Konferans piştî axaftina girtinê bi dirûşma, “Bê Serok Jiyan Nabe” bi dawî bû.
