Em konferansa jinan silav dikin
Ji raya Giştî û Çapemeniyê re
Weke gaziyên jin em Konferansa Yekemîn a Jinên Kurd pîroz û silav dikin. Em bi hêvî ne yekîtiya jinên Kurd bibe wesîleya yekbûna tevahî jinên Rojhilata Navîn û gelan.
Em tev jî dizanin Rêber Apo mîsyon û erka pêşengtiyê daye jinan. Ya dikeve ser milên me jî ew e em bi erk û mîsyona xwe rabin, xwedî li keda Rêber Apo derkevin û ji pêvajoyê re jî bibin bersiv.
Di konferansê de beşdariya ewqas saziyên jinan û kesayetên rewşenbîr ên di siyasetê de têgihiştî wê bi xwe re hêza çareseriyê derxe holê. Her wiha wê ji tevahî jinan re bibe ronahiya têkoşîneke xurt û helwesteke dijwar a li hemberî her cure desthilatî û tundiya li hemberî jinan û civakê.
Weke tê dîtin pergala hikûmeta demkî ya HTŞ’ê ji bilî tundî, kuştin û talanê tiştekî din bi xwe re dernexistiye holê. Bi taybet jî helwesta wan a li hemberî jinan ji serdema cahiliyetê hîn xerabtir e. Her kes dibîne bê HTŞ çawa hewl dide jinan bike amûra kolekirinê, di qada civakî û siyasî de jî jinan bê rol bihêle.
Em bawer in wê Konferansa Yekemîn a Jinên Kurd ji hişmendiya mêrperest re bibe bibe bersiveke xurt. Careke din em konferansa Jinên Kurd li tevahî jinan pîroz dikin.
Weke Rêber Apo di peyamên xwe de ji jin û civakê re got, “Dem dema têkoşîn û xebatê ye.” Ev peyam di serî de ji bo me jinên şoreşger derbasdar e. Divê em ji her demê zêdetir têkoşîna xwe xurt bikin û serkeftinê bi dest bixin.
Gaziyên Jin ên Federasyona Gaziyên Bakur û Rojhilatê Sûriyeyê
