Gaziyên şer rojbûna Rêber Apo pîroz kirin

Gaziyên şer ên li Bakur û Rojhilatê Sûriyeyê bi wesîleya 4’ê Nîsanê rojbûna Rêber Apo şitlên dar çandin.

Bi wesîleya 76. rojbûna Rêber Apo gaziyên şer ên Federasyona Gaziyên Bakur û Rojhilatê Sûriyeyê şitlên daran çandin.

Gaziyên şer ên tevlî merasîma çandina şitlên daran bûn diyar kirin ku ji bo paradîgmaya Rêber Apo ya ekolojîk demokratîk û azadîxwaziya jinê pêş bixin, çandina daran pir girîng e û gotin, “Em rojbûna Rêberê xwe li tevahî şehîdan, şervanên azadiyê, gelên azadîxwaz û mirovatiyê pîroz dikin. Em îro ji bo pîrozkirina Rêberê xwe kom bûne û daran diçînin. Hêviya me pir mezin e ku em ê sala 2025’an bikin sala azadiya fizîkî ya Rêber Apo.”

Her wiha gaziyên şer bang li gelên Bakur û Rojhilatê Sûriyeyê jî kirin û gotin, “Pêwîst e em şoreşa xwe ya bi xwîna şehîdan ava bûye li hember her cure êrîşan biparêzin. Rêber Apo ji bo hemû gel bi xwîşk û biratî di nav azadî, aramî û wekheviyê de bijîn bi salan e têkoşîn dikin. Lewma ji her demê zêdetir em xwedî li Rêber Apo derkevin.”