Têkoşîna azadiyê

Hin caran ahenga melodîyê ye

Ji ber di melodîyê de gelek tiştên xweşik veşartîne

Hin caran helwesteke zêre û şereke bê dawîye

Geh singa xwe dide ber gulaya dijmin

Û canê xwe feda dike

Car caran dilekî tijî hêvî ye û diherike dîrokê

Hin caran raperîneke hemdem e

Weke tîrêjên rojê şewqa xwe dide li ser nexşeya welat

Hin caran vejîneke û hişmendîyeke nû diafirîne

Hin caran artêşeke cangorîye ji lewra

Gelek lehengan canê xwe dan ber çeperên berxwedanê û feda kirin

Hin caran jina xwedawend û xortê evîndare

Carinan sosineke li Kurdistanê şîn dibe geş dibe mezin dibe

Geh  qîrek e, kenek e û govendeke mezin e

Car bilûreke destê şivanekê de ye xwe dengbêj dike

Geh kulmek genime xwe dimeyîne

Carinan wek laleyên reng bi reng xwe dixemilîne

Û berê xwe dide rojê dibe lêgerîneke heqîqetê

Hin caran dibe dengê rûmeta bindestan

Car jî axîneke li ser axa welête

Bê têkoşîn azadî qet nabe

Bêlê me govenda azadîyê bi têkoşînê hîs kir.