Rêber Apo ji ciwanan re peyam şand: Hûn ê xwe bi rêxistin bikin, rêxistin bikin!
Rêber Apo di peyama xwe ya ji ciwanan re şand de diyar kir ku meşa ciwanan meşa ber bi azadiyê ve ye û got, “Hûn ê li her derê xwe rêxistin bikin, her derê rêxistin bikin.”
Ciwanên 1’ê Nîsanê ji bo 76’emîn rojbûna Rêber Apo ber bi Amarayê yê ketibûn rê tevlî Festîvala 4’ê Nîsanê ya li navçeya Xelfetî ya Rihayê bûn.
Di festîvalê de peyama Rêber Apo ji ciwanan re şandibû ji raya giştî re hat parvekirin.
Peyama Rêber Apo wiha ye:
“Meha Nîsanê ji bo min Ronesansek e. Jinûve çêbûn e. Meşa ciwanan, meşa ber bi azadiyê ve ye. Meşa ber bi azadiyê ve, bi wate ye. Ez diçim ku derê xwe bi rêxistin dikim. Gava ez diçûm dibistanê koma min a bi min re tevdigeriya hebû. Civakbûyîn bi vî awayî çêdibe. Ji zaroktiya xwe ve ez vê dikim.
Sosyalîzm, tê wateya civakê, civakparêziyê. Sosyalîstî jî civakbûyîn e. Li Kurdistanê jî pêwîst e mirov bi vê têgihiştinê siyasetê bike. Navê wê dibe siyaseta civakparêz, sosyalîst. Ev jî bi rêxistinbûnê dibe. Rêxistinbûn, karê herî girîng e. Eger hûn nikarîbin bikin, ez ê we pir rexne bikim. Lewma li her derê xwe bi rêxistin bikin, her derê rêxistin bikin. Piştgiriya xebatên we dikim, silavên xwe ji we re dişînim.”
