FEDERASYONA GAZÎYÊN BAKUR Û ROJHİLATÊ SÛRÎYÊ KONGRÊ XWE DUYEM Lİ DERXİST
Di bin durişmeya ʺBi rihê şoreşa gelan em ê dagirkeriyê têk bibin û azadiya RÊBER APO misoger bikinʺ de, duyemîn kongira Federasyona Gaziyên Bakur û Rojhilatê Sûriyê di roja 30 û 31/10/2022’an de û bi amadebûna zêdetir 300 delegeyan ji hemû bajar û herêmên Bakur û Rojhilatê Sûriyê hate lidarxistin.
Kongira bi deqeyek rêzgirtin li ser giyanên şehîdan dest bi xebatên xwe kir û piştre endamên Dîwana Giştî ya Kongirê ku ji 5 endaman pêk tê hatin hilbijartin, Piştre endamên Dîwanê bernameya kongirê û eksenên wê vegotin û peyamên pîrozbahiya kongirê xwendin, her wiha heval Aldar Xelîl rewşa siyasî nirxand Piştre Cîgirê Hevserokatiya Rêveberiya Xweser a Bakur û Rojhilatê Sûriyê heval Hesen Koçer û Fermandarê Giştî yê Hêzên Sûriya Demokratîk Rêheval Mazlûm Ebdî axivîn.û piştre kongirê xebatên xwe li gorî bernameyê dewam kir û malbata şehîd Ferhad Dêrîk û malbata şehîd Hemze weke endamên manewî yên kongre, beşdar bûn.
Rapora xebatên Federasyonê di nava du salên dawî de hate xwendin û piştre nîqaş û nirxandin hatin kirin, li gel wê nîqaş li ser rêziknameyê hat kirin û pêşniyar hatin gotin û ji aliyê kongrê ve hatin erêkirin , kongreyan soza berdewamkirina têkoşîna xwe ya şoreşgerî dan û di dawiya kongirê de endamên Meclîsa Giştî ya Federasyonê ku ji 31 endaman pêk tê hatin hilbijartin û sonda xwe li hember kongreyan dan, ji aliyê xwe ve H.Newroz Ehmed Endama Fermandariya Giştî ya Hêzên Sûriyeya Demokratîk bi gotina xwe kongrê bidawî kir.
