Vejîna me pîroz be

Partiya Karkerên Kurdistanê di pêşengiya Rêber Apo de bi têkoşîn û berxwedana pêş xist bû vejîna mirovatiyê û adaletê. Di heman demê de bi têkoşîna xwe ya nêzî 50 salan ji hemû mirovatiyê re bû hêvî.

Tevgera Azadiyê destpêka hebûn û jiyana nû ye ku ji hemû netewe, bawerî reng û çandan re bû rohniya jiyaneke azad û wekhev.

Bi saya vê têkoşîna pîroz em êdî bi rengê xwe, bi çand û zimanê bi serbilindî dikarin bêjin em Kurd in. Bi saya vê têkoşîn û berxwedana bêhempa hebûna gelê Kurd berbiçav bû û êdî ti kes nikare ji nedîtî ve were.

Fikir, felsefe û bîrdoziya Rêber Apo ji hemû gelan re dibe rêya diçe azadî û rizgariyê.

Gel û civaka bi salan bû dihat înkarkirin, di bin polîtîkayên qirkirin, asîmîlasyon û zextan de dinaliya bi saya Rêber Apo û PKK’ê serê xwe rakir û li hember tevahî neheqiyan bû xwedî helwest û bertek. Ew gelê ber bi tinebûnê ve diçû îro gel û baweriyên din jî hêşîn dike, hêz û cesaretê dide wan.

Pêwîst e tevahî jin û ciwan li vê têkoşîna giranbiha xwedî derkevin. Xwe di fikir û felsefeya Rêber Apo de pêş bixin. Ji bo serxistina pêvajoya Aştî û Civaka Demokratîk bi rola xwe ya dîrokî rabin.

Divê em zanibin ku fikir, felsefe û bîrdoziya Rêber Apo, têkoşîna bi dehan salan a PKK’ê ji bo jiyan û cîhaneke komunal, demokratîk û sosyalîst derfetên herî guncav pêşkeşî mirovatyê dikin. Têkoşîna li ser vî esasî wê teqez serketinan ava bike.

Li vê cîhana ku berdin mirovan, êdî xweza jî tê tinekirin yekane rêya rizgariya ji vê rewşê paradîgmaya demokratîk, ekolojîk û azadîxwaziya jinê ye. Ev paradîgmaya Rêbertî wê tevahî xwezayê ji vê rewşa xeter rizgar bike.

Li ser vî esasî divê em xwe bigihînin her kesî, fikrên Rêberê xwe li hemû cîhanê belav bikin û ji bo azadiya fizîkî ya Rêbertî em têkoşîna xwe bilind bikin.

Ez ji dil û can 47. Salvegera Damezirandina PKK’ê, Cejna Berxwedana Neteweyî li mîmarê jiyana azad û wekhev RêberApo, tevahî malbatên me yên şehîdan, hevrêyên me yên gaziyên şer û li giştî gelan pîroz dikim. Vejîna me pîroz be.