Gaziyên şer ji qadan bang kirin: Bê Serok Jiyan nabe!

NAVENDA NÛÇEYAN

Gaziyên şer ên tevlî meş û mitîngên ji bo şermezarkirina komploya 15’ê Sibatê bûn, ji qadan bang kirin û gotin, “Bê Serok jiyan nabe!”

Komploya navneteweyî ya 15’ê Sibatê li tevahiya Bakur û Rojhilatê Sûriyeyê bi meş û mitîngên mezin bi beşdariya bi sed hezaran mirovên ji pêkhateyên cuda hat şermezarkirin. Di meş û mitîngan de wêneyên Rêber Apo û şoreşgerên li dijî komployê di çalakiyên “Hûn nikarin roja me tarî bikin” de şehîd bûn, hatin hildan. Girseyên qerebalix di tevahiya meş û mitîngan de bê navber dirûşm berz kirin. Di axaftinan de hat diyarkirin êdî sebra gelan li hember tecrîda li ser Rêbertî nemaye û hat gotin ku ji bo azadiya fizîkî ya Rêbertî li her qadê têkoşîn bê mezinkirin.

Bi sedan gaziyên şer ên Federasyona Gaziyên Bakur û Rojhilatê Sûriyeyê jî di refên herî pêş ên meş û mitîngan de cih girtin. Gaziyên şer nîşanî hemû cîhanê dan ku wê heta dawiyê dilsozên Rêberê xwe bin û gotin, “Bê Serok Jiyan Nabe!”

 

 

Nivîsên zêde hatine xwendin

Back to top button